Skip Navigation Links
الرئيسية
مسابقات
أخبار وتقاريرExpand أخبار وتقارير
آراء و أبحاثExpand آراء و أبحاث
صور وأفلامExpand صور وأفلام
القاموسExpand القاموس
بروفايل
مدونة نريد
مبوبة
مؤتمرات وندواتExpand مؤتمرات وندوات
Shadow Shadow
الإعلام والتواصل السياسي

يقوم الحزب السياسي على رؤية سياسية وفكر يتضح في البرنامج، ولكن لتنفيذ هذا الفكر، يعتمد الحزب على عدة أعمدة هامة – هي: 


 الإدارة الجيدة والتنظيم
 العمل الجماهيري
 الإعلام  والتواصل السياسي
 الموارد المالية 

أهمية الإعلام بالنسبة للحزب:

 الإعلام يرسم الصورة الذهنية للحزب لدى جمهور الناخبين والرأي العام 
 كما يوضح للجمهور أفكارالحزب واتجاهاته وسياساته والحلول التي بطرحها
 الإعلام أيضاً يحفز قطاع من جمهور المتلقين للاتضمام للحزب كأعضاء جدد 
 ويحشد المؤيدين والناخبين لتأييد الحزب في الانتخابات وكمان في المواقف المختلفة اللي الحزب بياخدها
 وكذلك يمكن الحزب من التواصل مع أعضاء وقيادات الحزب فى المحافظات المختلفة
 شيء آخر مهم ... من خلال التواصل – الحزب يتعرف على رد فعل المتلقين ومشاكلهم واحتياجاتهم  

كده عرفنا ان الاعلام هو عملية تواصل بين الحزب وجمهور المتلقين وبالعكس 
وشفنا إن المتلقين بيكونوا أفراد وجماعات ممكن يكونوا: 

 أعضاء فى الحزب 
 أو ناخبين 
 أو الرأى العام

داخلياً ... التواصل مع الأعضاء  بيكون عن طريق:
 
 المؤتمر العام أو الجمعية العمومية 
 اجتماعات الهيئة العليا واللجان المختلفة مركزياً أو في المحافظات 
 من خلال الندوات والمؤتمرات 
 النشرات الدورية  أو جريدة الحزب

وكمان لازم نستخدم وسائل الاتصال الحديثة فى التواصل مع الاعضاء ...  زى:
 
 موقع الحزب على الانترنت 
 صفحة مخصصة للأعضاء على الفيسبوك 
 رسائل الإيميل
 ورسائل المحمول 

 وهكذا

أما التواصل الجماهيرى فهو لايقل أهمية و له صور كتير:

 الإعلام
• الإعلان
 أو الاتصال المباشر

وسائل الإعلام بتشمل:
 
 الصحف 
 التليفزيون والراديو 
 وكمان الوسائل الحديثة زي الإنترنت والشبكات الاجتماعية ...

علشان نظهر في الإعلام لازم يكون عندنا خبر أو قصة أو حاجة جديدة عملناها أو ناويين نعملها وممكن تهم المشاهدين  

ولما بناخد موقف سياسي مهم، من حدث معين ... بنطلع بيان صحفي أو نعمل مؤتمر صحفي – أو نتصل بالصحفيين والإعلاميين نقول لهم على موقفنا
الإعلام والتواصل الاستراتيجي الفعال

وعلشان يبقى عندنا إعلام وتواصل فعال لازم نعمل شوية حاجات ...

 نحدد الهدف السياسي ... الحزب عايز يحقق إيه وعايز يوصل لده إزاي
 نحضر مجموعة من الرسائل الموجهة لكل قطاع من الجمهور والرأي العام – حوالين القضايا الرئيسية
 نعد قيادات الحزب وناشطيه للظهور في حوارات تلفزيونية – علشان يكتسبوا مهارات التعامل مع وسائل الإعلام ويقدروا يعبروا عن وجهة نظر الحزب ويوصلوا رسالته بطلاقة وإقناع
 نشجع قيادات الحزب وناشطيه وكتابه إنهم ينشروا مقالاتهم في الصحف والإنترنت وفيها إشارة ولو بسيطة لاسم الحزب ورسالته وفعالياته
 نتابع ظهور القيادات والناشطين في الإعلام – وكمان أخبار الحزب وبياناته الصحفية – والحاجات اللي بتتقال عليه – ونحللها ونستفيد منها – ونحدد إزاي ممكن نحسن الرسائل وعملية التواصل ككل
 نشوف رد فعل الجمهور على كل ده ونستفيد ونتعلم منه 
 نقيم أداءنا ... هل حققنا الهدف اللي كنا عايزينه ولا لأ

استخدام الإعلانات

بالاتفاق مع إدارة الحزب والصندوق ولجنة الموارد ... بنحدد أهداف الحملة الإعلانية اللي تحقق أهداف الحزب والموازنة المتاحة ليها ...  الموازنة دي بنستخدمها في عدة حاجات:

 ممكن نستخدم وكالة دعاية وإعلان محترفة بتساعدنا في تصميم وتنفيذ الرسائل والإعلانات والحملة ككل
 بنحدد فئات الجمهور المستهدفة ...  ونحدد لكل فئة:

   o الرسائل اللي تهمها وتمشي مع برنامج الحزب وسياسته – لازم واحنا بنحضر أى رسالة نشوف هي        بتخاطب مين .. مثلاً الشباب ولا الكبار - المستوى الاجتماعى والثقافى والمادى للفئة المستهدفة – التوجه      السياسي – الموقع الجغرافى ... والمشاكل والحاجات اللي تهمهم
   o بنحدد كمان الوسائل الأنسب لكل فئة من الجمهور ... مثلاً صحف أو راديو أو تليفزيون أو إعلانات         طرق جنبهم أو منشورات وبوسترات وبانرات بتتوزع محليا في المنطقة اللي هما فيها – أو إعلانات على     الإنترنت والفيسبوك مثلاً
 نختبر الرسائل على عينة من الجمهور الحقيقي ونستفيد من رد فعله في تحسين الرسائل
 بنحدد خطة النشر او الميديا بلان Media Plan حسب الميزانية المتاحة والوسائل الأنسب للفئات المستهدفة
 نتابع النشر ونتابع ردود الأفعال ... وأحيانا نضطر نغير شوية في الحملة لتحسين أداءها
 دايما نقيس النتايج اللي حققناها ونقارنها بالأهداف علشان نتعلم ونحسن نفسنا في المرات اللي جاية

الفرق بين الإعلام والإعلان

الاعلام مختلف عن الإعلان – وسائل الإعلام بتغطي حدث نتيجة وجود خبر يهم المشاهدين أو القراء – والنشر بيكون له مصداقية أعلى من الإعلان - وغير مكلف على الحزب – بس كمان منقدرش نتحكم في محتوى اللي بيتنشر عننا في الإعلام وأحيانا بتكون فيه حاجات سلبية ...

الإعلان بينزل في الوقت والوسائط اللي احنا عايزينها وبالرسالة والتصميمات اللي احنا جهزناها لكن طبعا تكلفته عاليه وتختلف تبعا للوسيله المستخدمة ومدى قوة انتشارها  - وطبعا بتكون مصداقية الإعلان أقل من الإعلام 

ملخص:

علشان نحقق أهداف الحزب ... لازم نوصل رسالته للجمهور والرأي العام بصورة فعالة من خلال قنوات متعددة ... ولازم دايما نخلق فعاليات وأخبار تهم الجمهور وتغطيها وسائل الإعلام وتعرف الناس بينا وبمادئنا وسياستنا وقيادات الحزب وناشطيه
نريد تدريب سياسى
كيف تحول المشاهد إلى شريك في المشروع السياسي للحزب
كيف نصيغ بيانات صحفية ناجحة
التحالفات السياسية
تنمية الموارد المالية
الإعلام والتواصل السياسي
المعهد الديمقراطى المصرى
المقدمة والفصل الأول - الاستراتيجية
الفصل الثاني - البحث
الفصل الثالث - الإتصالات والإعلام
دليل تدريبي للأحزاب السياسية
كتيب عن دور المال في السياسة: دليل الي زيادة الشفافية في الأنظمة الديموقراطية الناشئة
الحكومة الشفافة : تيسير وصول العموم الي معلومات الحكومة

عن نريد   -   اتصل بنا   -   الآراء والمقالات والمواد المنشورة لا تعبر عن رأي الموقع ولكنها تخص المشاركين Website By : Horizon Interactive Studios