Skip Navigation Links
الرئيسية
مسابقات
أخبار وتقاريرExpand أخبار وتقارير
آراء و أبحاثExpand آراء و أبحاث
صور وأفلامExpand صور وأفلام
القاموسExpand القاموس
بروفايل
مدونة نريد
مبوبة
مؤتمرات وندواتExpand مؤتمرات وندوات
Shadow Shadow
فاروق أحمد مصطفي

إبتكروا أو موتوا


السبت 20 أبريل 2013 - 49 : 10
أحد مشاركات مسابقة التعليم نبض مصر
...إبتكروا أو موتوا...

        وإنت صغير بيقولولك عايز تطلع إيه لما تكبر سؤال أزلي إتعود عليه الضيف السئيل اللي مش لاقي حاجة يقولها وطبعا إنت المفروض تجاوب ولو إنت إستسئلت علي الضيف السئيل هترد بكل براءة مخدتهاش في المدرسة صح ماهو إحنا أكترية الأسئلة اللي بنسألها أو نتسإلها لازم علي الأقل نكون اتعلمنا ولو نكون صيغتها إزاي في المدرسة. أولياء أمور كتير يقولوا للمدرس إكسر حضرتك وأنا أصلح الحقيقة دي أشهر علاقة بين المدرس والطالب وده طبعا لإن الدولة بتسميها وزارة التربية والتعليم هما فاكرين إن المدرس بيربي وده طبعا السبب الوحيد إن جيلنا طلع مش متربي -بحسب رأي كل أولياء الأمور طبعا- والحقيقة إن دور المدرسة هو التعليم والتعليم فقط مش دور المدرس يمسك العيل يقول له مثلا يعمل إيه لما الضيف ييجي ويتكلم ازاي مع الناس ويمشي ازاي والمعاملات الحياتيه ده كله دور البيت.

        المختصر المفيد عشان منطولش علي بعض أنا وحضرتك مش ناقصين مضيعة للوقت عندنا دلوقتي مشكلة كبيرة في المنظومة التعليمية اللي خصوصا البتاعة دي اللي إسمها المدرسة وعشان نجيب من الأخر كدة وبما إن المدرسة محدش بيروحها أصلا بقت خطر خصوصا في وجود البلطجة الظاهرة في كل الشوارع وخاصة إن كل الطلبة بتاخد درس خصوصي في البيوت عندي حل ليك بس ماتقولش لحد في الدولة لحسن يفهموك غلط إيه رأيك نلغي المدرسة ونحول التعليم كله لدروس خصوصية وتبقي تبع الدولة بدل ما كله بيضحك علي كله طب ما نلعب علي المكشوف.
طبعا إنت مستغرب من الحل اللي فوق ده أحب أقولك إن الحل ده موجود من أيام ما كنا دولة علم محترمة من زمان قوي بس إحنا اللي نسيناه وأدي أمثلة:
أيام الفراعنة مكنش فيه مدرسة وكانوا بيتناقلوا العلم عن طريق النقوش علي الحجارة وبيس
أيام الخلافة الإسلامية كان عندهم حاجة إسمها حلقات العلم وكل إمام أو معلم كان له عامود ومعاد يلتف حواليه مريديه أيام محمد علي العثمانيين مثلا كان الكتاب وكان كل شيخ له مكان يدرس فيه للولاد الصغيرين لحد سن معين
الحاجة بقي العجيبة إن في الامثلة اللي فاتت كنا فعلا بننتج نوابغ ومن ساعة ما اتلغي النظام ده والنوابغ قلت مع إن في محاولات من الأهالي يرجعوه ـبالدرس الخصوصي طبعاـ ايه اللي يجبر طالب إنه يصحي يروح مدرسة الساعة سابعة ويشيل حجر سيزيف المتمثل في مخلة الكتب ويشوف أساتذة ضاربة بوز علي غيار الريق ويطلع في الأخر كاره الحياه والعيشة واللي عايشينها ما يختار الوقت اللي هو عايزه والأستاذ اللي يرتاح له وياريت كمان يختار الوقت اللي يمتحن فيه في نصف السنة أو في أخر السنة الدراسية ولا هو شرط نعلم الطلبة بنفس الأسلوب اللي طلع جيل فاشل فيطلعوا جيل أفشل وتستمر منظومة الفشل؟
حلول جديدة يرحمكم الله إبتكروا أو موتوا..!
شكرا يا عم طولت عليك روح كمل مضيعة للوقت اللي مش مقدرين قيمته كلنا...
سلااااام

المشاهدات : 11452
الزائرين : 3282
الأحدث
إعتصام سياسة
الأحد 29 سبتمبر 2013 - 28 : 10
عدسة - محمد أحمد فؤاد
رسالة للغرب الاستعماري
الأربعاء 10 يوليو 2013 - 2 : 15
السيسي
البرادعي والسيسي ورئيس الوزراء المرتقب
السبت 6 يوليو 2013 - 12 : 20
ارحل ارحل ارحل
رسالة إلى والي مصر...
الثلاثاء 2 يوليو 2013 - 9 : 1
محمد زكي الشيمي يكتب: صناعة عقلية القطيع.
ما الذي يميز المجتمعات المتقدمة والمتطورة عن المجتمعات الجامدة؟ ليست القضية بالتأكيد هي أسباب تفوق جينية أو وراثية ولا أياً من تلك الأفكار التي تشيع في النظريات العنصرية والفاشية، فكل البشر متساوون مهما اختلفت بينهم بعض الفروق الفردية.
الأكثر قراءة
أسئلة ليست للإجابة
الأثنين 20 مايو 2013 - 15 : 11
الشريعة
حدثني عن الشريعة!
الخميس 7 مارس 2013 - 43 : 7
أحد مشاركات مسابقة سوا نقدر خليك ايجابى
زوايا للرؤية
"25/1/2011".. زوايا للرؤية
الخميس 21 فبراير 2013 - 0 : 15
أحد مشاركات مسابقة سوا نقدر خليك ايجابى
الامل
نقطة بيضاء
الأربعاء 13 فبراير 2013 - 41 : 11
أحد مشاركات مسابقة سوا نقدر خليك ايجابى
كاريكاتير
نريد - تقرير إخبارى